Sääʹmteʹǧǧlääʹǩǩ ođsmââvv

Sääʹmteeʹǧǧ oođõõzz täävtõssân lij oouʹdeed säʹmmlai jiõččmieʹrreemvuõiggâdvuõđ teâuddjummuž di pueʹreed säʹmmlai ǩiõlâs da kulttuurâs kuõskki jiõččvaaldâšm da sääʹmteeʹǧǧ tåimmamoudldõõzzid. Riikksuåvtõs eʹtǩǩad, što tääʹssvääʹld presideʹntt raavad täʹbbe sääʹmteeʹǧǧest uvddum lääʹjj muttsid, kook šâʹdde viõʹǩǩe 1.8.2025.

Ođđ lääʹǩǩ koʹrvvad eeʹjjest 1995 åårrai sääʹmteʹǧǧlääʹjj, kååʹtt lij määŋgain vueʹzzin vuämmnam da šõddääm tuʹlǩǩeemjeeʹresmiõllsažvuõđid. Oođõs čõõđat halltõsprograamm ǩeeʹrjtõõvvmõõžž. Lääʹǩǩoođõõzz vuâđđan leät õnnum kansliašurr Pekka Timonen tåimmkååʹdd tuâj, da tõt lij valmštõllum õhttsažtuâjast sääʹmtiiʹǧǧin. Eeʹttiǩ-kååʹdd vuâđđlääʹǩǩvälljkåʹdd lij ǩiõttʼtõõllâm eʹtǩǩõõzz vuâđ mieʹldd da sääʹmteeʹǧǧ halltõs lij priimmâm õõutmiõllsânji še vuâđđlääʹǩǩvälljkååʹdd tuejjeem muttsid.

Kõskksa muttâz sääʹmteʹǧǧlääʹjjest:

• Vaal-loǥstõʹǩǩe meärkkmõõžž oudldõõzz ođsme. Juätkast vaal-loǥstõõǥǥ beäʹlnn lij kõõččmõš tåʹlǩ vuõiggâdvuõđâst jiõnsted da äʹlǧǧed eeʹttǩeeʹjen sääʹmteʹǧǧvaalin ij-ǥa tõʹst, ǩeän vueiʹtet ââʹnned säʹmmliʹžžen.
• Jiõččnaž da čõnnõõttʼteʹmes muuttâsooccâmluʹvddkåʹdd tåimm vuõssmõssân muuttâsooccâmtääʹssen vaal-loǥstõõǥǥ kuõskki aaʹššin sääʹmteeʹǧǧ halltõõzz sâjja.
• Veʹrǧǧniiʹǩǩi saǥstõõllâmõõlǥtõs čiõlggan.
• Vaali äiʹǧǧtaaulid da vaalmõõntõõllmõõžžid pueʹreet ouddm. hiâlpteeʹl jiõnstummuž sääʹmteʹǧǧvaalin. 

Lââʹssteâđ:
lääʹjjšiõtteemdummšeǩ Yrsa Nyman, vuõiggâdvuõttministeria, teʹl. 029 515 0293, ouddnõmm.sokknõ[email protected] 

Ođsmeei sääʹmteʹǧǧlääʹǩǩ raavad säʹmmlai jiõččmieʹrreemvuõiggâdvuõđ, teâđtõs