Sämitiggelaahâ uđâsmittoo

Sämitiggelaavâ uđâsmittem ulmen lii ovdediđ sämmilij jiešmeridemvuoigâdvuođâ olášume sehe pyerediđ sämmilij jieijâs kielân já kulttuurân kyeskee jiešhaldâšem já sämitige toimâmmáhđulâšvuođâid. Staatârääđi oovdânpuáhtá, ete täsivääldi president nannee onne sämitiggeest adelum laavâ nubástusâid, moh puátih vuáimán 1.8.2025.

Uđđâ laahâ sajanpiäjá ive 1995 asâttum sämitiggelaavâ, mii lii maaŋgâin oosijn puárásmum já tovâttâm sierâmielâlâšvuođâid tulkkuumist. Uđâsmittem olášut haldâttâsohjelm kirjim. Lahâuđâsmittem vuáđđun lii kevttum kansliahovdâ Pekka Timosii toimâkode pargo, já tot lii valmâštâllum oovtâstpargoost sämitiggijn. Ovdâskode vuáđulahâváljukodde lii kieđâvuššâm oovdânpyehtim vuáđulávt já sämitige stivrâ lii tuhhiittâm oovtâmielâlávt meid vuáđulahâváljukode toohâm nubástusâid. 

Kuávdášliih nubástusah sämitiggelaavâst:

• Valjâluvâttâlmân merkkim iävtuh uđâsmittojeh. Puátteevuođâst valjâluvâttâllâm uásild lii koččâmuš tuš vuoigâdvuođâst jienâstiđ já asâttuđ iävtukkâssân sämitige vaaljâin ige tast, ete kiäm puáhtá anneeđ sämmilâžžân
• Jiečânâs já sorjomettum nubástusuuccâmlävdikodde tuáimá vuossâmužžân nubástusuuccâmtäässin valjâluvâttâlmân kyeskee aašijn sämitige stiivrâ saajeest.
• Virgeomâhái ráđádâllâmkenigâsvuotâ šadda čielgâsubbon.
• Vaaljâi äigitaavluh já valjâvyevih pyereduvvojeh il. tohâmáin sämitiggevaaljâin jienâstmist älkkeb. 

Lasetiäđuh:
lahâasâttemräđiolmooš Yrsa Nyman, riehtiministeriö, p. 029 515 0293, vdânommâ.suhânommâ@gov.fi 

Uđâsmuvvee sämitiggelaahâ naanood sämmilij jiešmeridemvuoigâdvuođâ, tiäđáttâs