Sámediggeláhka ođasnuvvá

Sámediggelága ođastusa ulbmilin lea ovddidit sápmelaččaid iešmearridanrievtti ollahuvvama sihke buoridit sápmelaččaid gielaset ja kultuvrraset iešstivrema ja sámedikki doaibmaeavttuid. Stáhtaráđđi árvala, ahte dásseválddi presideanta váfista odne sámediggelágas addojuvvon lága rievdadusaid, mat bohtet vuoibmái 1.8.2025.

Ođđa láhka buhtte jagi 1995 sámediggelága, mii lea máŋggain osiin boarásnuvvan ja čuoččáldahttán dulkonsierramielalašvuođaid. Ođastus ollahuhttá ráđđehusprográmma girjema. Láhkaođastusa vuođđun lea adnojuvvon kansliijahoavda Pekka Timosa doaibmagotti bargu, ja dat lea válmmastallon ovttasráđiid sámedikkiin. Riikkabeivviid vuođđoláhkaváljagoddi lea gieđahallan ovdanbuktima vuđolaččat ja sámedikki stivra lea dohkkehan ovttamielalaččat maid vuođđoláhkaváljagotti dahkan rievdadusaid. 

Guovddáš rievdadusat sámediggelágas:

• Válgalogahallamii merkema eavttut ođasnuvvet. Dás maŋás válgalogahallama oasil lea gažaldat dušše rievttis jienastit ja álgit evttohassan sámedikki válggain iige das, gii sáhttá adnojuvvot sápmelažžan. 
• Iehčanas ja sorjjasmeahttun nuppástusohcanlávdegoddi doaibmá vuosttaš nuppástusohcandássin válgalogahallanáššiin sámedikki stivrra sajis. 
• Eiseválddiid ráđđádallangeatnegasvuohta čielggasnuvvá. 
• Válggaid áigedávvalat ja válgameannudeamit buoriduvvojit ee. nu ahte álkidahttojuvvo jienasteapmi sámediggeválggain.  

Lassidieđut:
láhkaásahanráđđi Yrsa Nyman, riekteministeriija, t. 029 515 0293, [email protected]

Ođasnuvvi sámediggeláhka váfista sápmelaččaid iešmearridanrievtti, dieđáhus